this story, this book did things to me.
ds wird e sehr grambleti u wiudi u gen z u dänglischi review. yesses, was het das buech aues mit mim chopf u mim härz u mim körper agsteut.
es isch one of a kind so wit i ds irgendwie cha beurteile. es het sech so close to home agfüut, aus wärs ganz elei für mi gschribe. meersprach wo für mi peersprach isch u änglisch wüus angers fliesst u wüus d grossmeer nid vrsteit u dr fritz rennt füre mani wo us de lutsprächer vo mim peer sim plattespiler singt während er gäge z patriarchat probiert azglette u i sire depression vrsinkt, eis chanson, ei beatles-song nachem angere.
au di wortspiu si so ungloublech fest mis ding, di post-moderni metaäbeni, dr vrinnerlecht kapitalismus, sex ha mit random dudes für öpis z gspüre, zouberndi chinderwort u zwäng und isch, au mini näme het ds buech, mo u michelle u stauffer, au mini härküft, es macht mi wöue z schribe.
i wot mer e stammboum erfinge für d lääri z füue, i wot ds mini wort fliesse, i wot d rosmaries u d irmas vo mire familie kennelehre u wüui weiss dsi se nid finge woti se er/finge.
mini meer isch 54, mini meer, woni mi für se schäme u woni liebe u wo lehrt vo mir u mit mir u mi geng wider überrascht. wo plötzlech däm zuelost woni künstlerisch fürebrösmele u stouz isch u villech touet z iisch vo de grossmeere?
i weiss nid, weni z letschte mau ha angst gha witerzläse wüui nid ha wöue, das es buech z ändgeit.
i weiss nid, öb i mi je so vrstande ha gfüut, obwou doch kim nid e frou isch und ig nid gen x. es isch so ungloublech spezifisch, i vrsta gar nid wi ds buech het priise gwunne wenn doch di mönsche nie aus möbu si bezeichnet worde, wenn iri grossmeere keni truckli hei gha und si nid ire bärner vorstadt si ufgwachse mit meertrübeli u rüebchöli u grosstante wo rosmarie heisse u mit zoubernde chinderwort i de böim u gärte und mit meere wo iischhäxe si.
"ich strebe keinen punkt an, der einen satz abschliesst, sondern ein semikolon, das sagt: "hier ist eine grenze, aber es geht weiter""
heile. lehre. de häxe begägne, d häx i siich finge.
mini gschicht wird witerga, wüu mi buuch wird e meerbuch si, hoffentlech, irgendwenn.
i wot porcini ässe im tessin und e wunderbari bürgerlechi chlini familie inere ungloublech lingge, urbane kommune ha, i wot mini proletarische wurzle vrsta und i wot mini natur gspüre u z wüsse wider finge u di intergenerationale troumata dürbräche und di rassisme und d homophobie überwinde und es ändi si und e afang und e mitti. i wot chnüpfe u meerzunge rede u mini ching gse meertrübeli ässe u änglisch schribe wüus angers fliesst. i wot zämehäng u musig u liebi u sicherheit u usprobiere u zuekunft u träne u fröid.
i wot ds buech grad nomau vo vore läse.