ფული, როგორც არა მატერიალური რაღაცა, არამედ კონსენსუსი ადამიანებს შორის, პრეისტორიული დროიდან გამჯდარი კოლექტიურ არაცნობიერში, როგორც რიტუალი, კულტი, მისტერია, თავისი არქეტიპებით და ჩრდილებით - ნუ აი გადავირიე, მართლა ვერასოდეს დავაკავშურებდი ამ ყველაფერს ერთად ფულში..
განსაკუთრებით საინტერესოდ არის მოცემული X-XIII საუკუნის დასაწყისამდე პერიოდი, დროის საკმაოდ მცირე მონაკვეთი, როდესაც ევროპაში აშენდა ყველაზე მეტი კათედრალი (ისევე როგორც ჩვენთან), ხიდი, არხი, წისქვილი, ა.შ. აყვავდა კომერცია; საზოგადოებაში გაძლიერდა ქალის როლი და არქეტიპი, ცხოვრების დონე მკვეთრად გაუმჯობესდა, მოკლედ 1:1 'ვეფხისტყაოსნის' სამყაროს ხატავს ავტორი იმდროინდელ ევროპაში და საკმაოდ დამაჯერებლად გვიმტკიცებს, რომ ეს 'შუასაუკუნეობრივი რენესანსი' მაშინდელი უნიკალური საფინანსო სისტემით იყო განპირობებული, რომლის ანალოგიც მხოლოდ ძველ ეგვიპტეშიაო - მართლა ძალიან საინტერესო და გასაოცარი წიგნია რა..