الكتاب هذا كان اقتراح من صحبتي اللي عجبها مررة، وثقت في ذوقها واشتريته وشفت مدح كثيير عليه وتقييمه عالي وريحني ذا الشي بالذات لأن سعر مبالغ فيه... لكن لما قرأته انصدمت وأحبطت جدًا!!!! كنت متحمسة لأني أحب الخيال وهذا النوع من القصص لكن لا سرد ولا محتوى كويس والكتابة طفولية جدًا والشخصيات حسيتها فارغة مجرد اسم على ورق وما تعاطفت معاها ولا شوية حتى 

كل الشخصيات اللي ماتت ما تأثرت معاها والواضح حتى بطلة القصة مو فارق معاها شي ولا توصلني مشاعرها بس تبكي شوي وخلاص تنتقل للحدث الثاني بدون ما يتغير فيها أي شي!!

،وطبعًا القصة لا تخلو من الأحداث الغريبة جدا

لما أكلت أطراف القنديل وبكل جرأة تسأله ليش انت بطيء؟ طيب يا بنت الناس أكلتي نصه ايش تتوقعين، ولا كمان الحدث التافه الثاني لما خرجت القنديل من البحر فوق راسها عشان توريه القمر لين نشف وتتفتت في يدها ونزل مطر كل اللي قدرت تسويه هو إنها تقول: لقد أبكيت القمر أيها الهلامي الصغير. ○-○ يعني الصراحة القنديل كان مزعج جدا وما زعلت عليه بس هي معتبرته صديقها!

، تكرار ما يخلص وأحداث مبتذلة وسخيفة والحوار فااارغ وتترمي فيه اقتباسات غريبة مو في موقعها.
فقط للتوضيح وعشان ما أنفهم غلط لما أقول أن الكتاب طفولي حاشا كتب الأطفال لأني ما أقصدها وكثير من الكتب اللي تكون فعليًا للأطفال محتواها يكون جميل وعميق، اللي أقصده هو أن أسلوب الكاتب مبتدئ ولا يمت للأدب بصلة.